A Dirección Xeral de Xuventude, Participación e Voluntariado e a Xunta de Galicia convocan anualmente as axudas de Iniciativa Xove.
Nós, coma grupo informal, presentamos unha proposta de proxecto que foi seleccionada e financiada, chamada “Facilitando a participación xuvenil“.
Grazas a ela, puidemos informar e sensibilizar a mozos/as en varios distritos da cidade da importancia da participación local, captar a futuros e futuras participantes da plataforma e tamén construír a nosa APP móbil.
A Oficina de Cooperación y Voluntariado (OCV), que depende da Vicerreitoría de Internacionalización e Cooperación da Universidade da Coruña (UDC), convoca cada ano axudas a proxecto da comunidade universitaria para accións ligadas á Educación para o Desenvolvemento (EpD).
Nós, coma grupo de estudantes, presentamos en 2018 unha proposta de proxecto que foi seleccionada e financiada, a cal levaba por título: Simbiose, a plataforma de voluntariado accesible.
Grazas a ela, puidemos, entre outras cousas, investigar as necesidades da poboación migrada e refuxiada da cidade, promover alternativas ao voluntariado convencional nos campus universitarios da cidade e noutros espazos ligados á educación formal; ao tempo que realizar accións de sensibilización sobre a poboación migrada e refuxiada de A Coruña.
A participación fixo tamén posible a construción da nosa marabillosa páxina web!
